" />

A CIG convoca 20 concentracións en cidades e vilas, o 19 de setembro, para dicir NON á estafa da luz

A CIG ten convocadas para o vindeiro domingo, día 19 de setembro, un total de 20 concentracións en cidades e vilas de toda Galiza baixo o lema “NON Á ESTAFA DA LUZ, Recuperación das Centrais Hidroeléctricas, Tarifa Eléctrica Galega”.

A central sindical fai un chamamento a participar nestas mobilizacións diante do imparable medre da factura da luz e a impunidade coa que actúan as eléctricas pero, sobre todo, e tal e como denuncia o secretario xeral, Paulo Carril, diante do “nulo papel que tanto o goberno
galego como o español están a facer para  garantir, con políticas públicas, o acceso á electricidade do conxunto do pobo en condicións asequibles”.

O secretario xeral da CIG, Paulo Carril, asistirá á concentración convocada en Compostela e fará declaracións ás 11:20 horas,, para que a concentración comece, tal e como está prevista, ás 11:30 horas.

Na provincia de Lugo celebraránse 3 concentracións:

Na capital, ás 12 horas diante da Subdelegación do Goberno.

En Monforte de Lemos, terá lugar tamén a partires das 12 horas diante da Casa do Concello.

Os da zona norte, poderán acudir a Foz, ás 11.30 horas diante da Delegación de Facenda.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo