Un grupo minoritario manifestouse en contra do acto, que rematou sen incidentes de consideración
Unha concentración a favor de Ceuta congregou esta tarde numerosas persoas na praza Maior de Lugo. De maneira simultánea, un grupo moito máis reducido manifestouse en contra da convocatoria e proferiu berros e consignas dirixidos aos participantes.
Durante o acto, o presidente local do PP e exsubdelegado do Goberno, Ramón Carballo, leu un manifesto entre os apupos do grupo contrario. Os asistentes a concentración a favor de Ceuta responderon tamén con berros.
A concentración desenvolveuse sen incidentes de consideración, aínda que ao remate se produciron algúns enfrontamentos verbais entre participantes e membros do grupo minoritario.
