O Pleno da Deputación aprobou vén de aprobar esta tarde, nunha sesión Extraordinaria, por unanimidade as actuacións do Plan Único 2019. Está dotado con 24,5 millóns de euros para realizar investimentos nos 67 Concellos cos que impulsar as prestacións públicas, os servizos sociais e o emprego.
A partir de hoxe mesmo, os Concellos poden solicitar un anticipo do 50% dos fondos que lles corresponden, o que permitirá inxectar 12 millóns de euros na provincia en xuño. Unha vez aprobado o Plan Único, así como a modificación orzamentaria, ábrese un prazo legal de 15 días para a presentación de alegacións. Transcorrido estes períodos poderanse ingresar nas arcas municipais dos 67 Concellos estes fondos.
