" />

A Deputación colabora con 23.000€ coa Asociación de Persoas Xordas para contratar a un intérprete

A Deputación de Lugo apoia á Asociación de Persoas Xordas de Lugo (ASORLU) para a contratación dun intérprete de lingua de signos. O Presidente da institución provincial, José Tomé Roca, asinou co presidente de ASORLU, Daniel Lourés Ferro, o convenio de colaboración a través do que a Deputación lle achega 23.000 euros para que os usuarios e usuarias deste servizo consigan eliminar barreiras de comunicación.

Tomé Roca puxo en valor a importancia desta colaboración, que pretende mellorar a calidade de vida das persoas xordas da provincia e das súas familias, evitando situacións de illamento. “Este servizo de intérpretes permite superar as barreiras de comunicación e axudar á igualdade de oportunidades das persoas xordas, fomentando a súa participación social”, apuntou o Presidente.

A achega da Deputación de Lugo permite a ASORLU a contratación dunha intérprete de lingua de signos a xornada completa -40 horas semanais- durante o ano 2021.

Gracias a este servizo, as persoas xordas da provincia de Lugo son capaces de realizar xestións da vida diaria e poden ser totalmente independentes, acceder en igualdade de condicións a actos, actividades e servizos imprescindibles como a sanidade, os servizos sociais, a educación, o traballo ou a cultura.

ASORLU naceu no ano 1975 co fin de mellorar a calidade de vida das persoas xordas e reivindicar os seus dereitos sendo partícipes na sociedade en igualdade de condicións que o resto de persoas. Esta é a única entidade da provincia que presta servizos integrais de atención social e orientación laboral ás persoas xordas de maneira individual e persoal.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo