A Deputación e Pantón asinan un protocolo para construír o centro de maiores

O Presidente da Deputación de Lugo, José Tomé, cumpriu o compromiso adquirido con Pantón asinando esta mañá co Concello un protocolo para a futura construción dun Centro de Atención a Maiores, un acordo de colaboración entre ambas institucións que se explicitará nun convenio que se asinará o vindeiro ano.

A sinatura do protocolo do Presidente co Alcalde de Pantón, José Luis Álvarez, demostra, subliñou José Tomé, que na Deputación “cumprimos coa nosa palabra e que as manifestacións que fixo o Partido Popular sobre a residencia de Pantón, poñendo en dúbida a nosa vontade de construíla, eran mentiras e inventos, como xa lle dixemos no Pleno de agosto no que ratificamos o noso compromiso coas residencias previstas”.

Na actualidade, a Rede de Protección Social da Deputación, integrada polos centros de maiores e os servizos de teleasistencia domiciliaria e axuda no fogar, mantén uns 300 postos de traballo. Os Orzamentos de 2020 reservan unha partida de 30 millóns para políticas sociais, dos que 9 millóns de euros irán destinados ao funcionamento das residencias de Pol, Trabada e Ribadeo, e para a apertura das da Fonsagrada, Castroverde e Pedrafita do Cebreiro, así como para avanzar no equipamento das de Meira e Ribas de Sil.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com