" />

A Deputación promoverá un acto de recoñecemento a Benedicta Sánchez

A Vicepresidencia da Deputación de Lugo, quere trasladar os parabéns a Benedicta Sánchez polo Premio Goya á mellor actriz revelación, que recibiu pola súa interpretación na película O que arde, dirixida por Oliver Laxe.

A Vicepresidencia promoverá un acto de recoñecemento á actriz do Corgo, que debutou no cinema aos 83 anos como coprotagonista do filme, no que encarna á nai dun pirómano que volve á casa materna tras saír do cárcere.

A cinta, gravada en Navia de Suarna e que coprotagoniza o fonsagradino Amador Arias, contou coa colaboración da Deputación de Lugo. O que arde é a película en galego máis vista en salas da historia e tamén foi o primeiro filme no noso idioma recoñecido no Festival de Cannes, certame no que obtivo o Premio do Xurado.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo