A Plataforma Galicia, Mellor sen Touradas decidiu poñerse en contacto co Arcebispado de Santiago logo da divulgación dun vídeo nas redes sociais, no que diferentes peregrinos explican durante 12 minutos, a súa rexeita a organizar corridas de touros en localidades por onde transcorre o Camiño. Os abolicionistas sinalan que existe unha oposición xeneralizada, entre os camiñantes, a que Triacastela acolla un evento taurino e tal e como os propios peregrinos cuestionan “que se mesture un percorrido “espiritual” e de “compañerismo” cun espectáculo salvaxe e de maltrato animal”.
Mentres no municipio seguen medrando as voces críticas á continuidade da corrida de touros, convocouse unha protesta pola actitude da alcaldesa, que se negou a posibilidade de facer unha consulta veciñal, entre os 650 veciñas/os con dereito a voto, coartando así o dereito da cidadanía a decidir si querían unha corrida de touros subvencionada.
