A policía detén un home por condución temeraria e por carecer de permiso de conducir

Sobre as 13:00 horas do día 30 de xullo unha patrulla da Unidade Territorial de Policía de Barrio da Policía Local de Lugo observa a circulación irregular dun vehículo pola rúa Filarmónica Lucense.

Ao tratar de darlle o “alto”, o seu condutor fai caso omiso emprendendo a fuga a gran velocidade pola zona de estacionamento, onde había peóns, accedendo á Avenida de Alfonso X o Sabio sen respectar a preferencia de paso dos vehículos que circulan pola mesma, obrigándoos a frear para non chocar e introducíndose pola Estrada da Granxa en sentido prohibido, continuando pola rúa Sargadelos.

Ao decatarse de que non tiña saída, frea repentinamente, deixando unha pegada de freada de máis de 25 metros, chocando contra un bordo, rebentando unha roda, deixando o coche abandonado e emprendendo a fuxida a pé, en compañía dunha muller que viaxaba no vehículo, pola carballeira existente entre a N-VI e a Estrada da Granxa, onde son interceptados polos axentes da Policía Local, coa colaboración de tres axentes do Subsector de Tráfico da Garda Civil de Lugo que se achaban fóra de servizo e que observaran todo o sucedido, procedéndose á detención do condutor e o seu traslado á Xefatura da Policía Local onde se comproba que carecía de permiso de condución por non obtelo nunca.

Por tales feitos é presentado na Unidade de Atestados da Policía Local onde se instrúen dilixencias por DOUS delitos contra a seguridade viaria: conducir carecendo de permiso e por condución temeraria poñendo en concreto perigo a integridade das persoas.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com