Rúa Ourense en LugoA policía local de Lugo multou onte pola tarde a un motorista que conducía baixo o efecto das drogas, sen seguro e sen ITV. Este feito producíuse despois de que os axentes detectaran a conducción irregular pola rúa Ourense, resultado do consumo de estupefacientes. Tras darlle o alto ao conductor e facerlle as pertinentes probas, este deu positivo en cocaína e THC. Tamén comprobaron que a motocicleta circulaba sen o seguro obrigatorio e coa ITV caducada.
Os axentes procederon, polo tanto, a abrir un expediente sancionador cunha multa de 1000 euros, a retirada de 6 puntos e a inmobilización do vehículo polo consumo de drogas; unha multa de 1250 euros pola falta de seguro e outra de 200 euros pola ITV caducada.
Positivo en alcolemia na Ronda da Muralla
Esta madrugada a policía local tamén multou a un conductor que circulaba pola Ronda da Muralla baixo os efectos do alcol. As probas de alcolemia arroxaron unha tasa de 0,55mg/l, polo que os axentes procederon a sancionar ao condutor con 1000 euros de multa, a retirada de 6 puntos do permiso e a inmobilización do vehículo.
