A Policía Local instrúe dilixencias ao condutor dunha moto que cuadriplicaba a taxa de alcoholemia permitida

A Policía Local instrúe dilixencias por un delito contra a seguridade viaria, na modalidade de Xuízo Rápido, contra o condutor dunha motocicleta que cuadriplicaba a taxa máxima de alcoholemia permitida.

Os feitos tiveron lugar esta pasada madrugada cando a Sala do 092 recibía diversas queixas de veciños de varias rúas da cidade ante os ruídos causados por unha motocicleta que realizaba fortes aceleróns. Unha patrulla do Grupo Operativo Nocturno localiza este vehículo circulando pola rúa Antonio Rosón, e ao darlle o alto, observan que o condutor presenta signos de embriaguez, pois, segundo indican os axentes “ao baixarse da motocicleta apenas era capaz de manter a verticalidade”, polo que é sometido ás probas de detección alcohólica, lanzando un resultado positivo de 1,07 mg/l, máis de catro veces a taxa máxima permitida.

Asemade, os axentes comproban tamén que o vehículo ten a ITV caducada, procedendo á súa inmobilización.

Dase á fuga tras un accidente

Sobre as 2:40 horas desta madrugada un vehículo encáixase contra dous inmobles de Camiño Real e causa danos a un sinal de tráfico e a un turismo estacionado, fuxindo do lugar.

Acto seguido establécese un operativo de procura no que participan patrullas da Policía Local e a Policía Nacional, sendo esta última a que localiza o vehículo na rúa Lamas de Prado, dando coñecemento á Unidade de Atestados da Policía Local de Lugo, cuxos axentes someten ao condutor ás probas de detección alcohólica, lanzando un resultado POSITIVO de 0,54 mg/l, presentando signos evidentes de embriaguez, instruíndose dilixencias por delito contra a seguridade viaria e procedendo ao a retirada do vehículo polo servizo de guindastre, quedando inmobilizado no Depósito Municipal.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com