Axentes da Policía Nacional detiveron en Lugo a un home de 42 anos de idade por un presunto delito contra a saúde pública tras intervirlle cincuenta dosis de heroína preparadas para a súa venda. Varios residentes dun céntrico barrio da cidade foron quen avisaron á Policía ante as sospeitas de que nunha casa se vendía droga ao ter afluencia masiva de descoñecidos no inmoble.
Cando os axentes localizaron ao detido, arrestárono e cacheárono atopando vaias dosis de heroína no seu cinto. Ao non ter antecedentes penais, o home foi posto en liberdade tras prestar declaración coa obriga de presentarse ante a Autoridade Xudicial cando sexa reclamado.