A Ribeira Sacra, candidata a Patrimonio Mundial de la UNESCO

A paisaxe cultural da Ribeira Sacra é a nova candidatura elixida polo Consello de Patrimonio Histórico para formar parte da Lista de Patrimonio Mundial da UNESCO. A decisión foi adoptada hoxe no Parador de Santo Estevo, en Ourense, na reunión do Consello de Patrimonio Histórico, presidido polo director xeral de Belas Artes, Román Fernández- Baca, e do que forman parte todas as Comunidades Autónomas.

A candidatura española será presentada ante o organismo internacional en febreiro de 2020 e a inclusión avaliarase en 2021. A Ribeira Sacra é a paisaxe simbólica máis occidental da Europa continental. Situada nos vales do Sil e do Miño, reúne un conxunto de cenobios, mosteiros, igrexas, capelas e cruceiros que, pola súa variedade e densidade, configuran un espazo cultural único en todo o mundo, exemplo do monacato primitivo que se desenvolveu a finais do século IV.

O Consello de Patrimonio Histórico acordou tamén a presentación do expediente para a declaración do ‘vidro soprado’ e do ‘nó español’ como Manifestación Representativa de Patrimonio Cultural Inmaterial en España. Do vidro soprado, destacan dous focos produtores con tradición histórica nesta técnica -o Centro Nacional del Vidrio de la Granja en Segovia e Los Vidrios Gordiola en Mallorca-, pero por todo o territorio coexisten experiencias individuais en forma de pequenos talleres artesáns

O nó español é unha tradición téxtil identitaria do noso país, que se mantivo viva na Península ibérica desde o século XVI. A súa orixe atópase unido á alfombra anudada de España e actualmente son poucos os mestres artesáns que coñecen esta técnica. A Real Fábrica de Tapices en Madrid é o único lugar que imparte esta formación.

O Ministerio de Cultura e Deporte lanzou hoxe a web Somos Patrimonio para promover a divulgación dos 47 sitios españois incluídos na Lista de Patrimonio Mundial da UNESCO. Dirixida principalmente a un público novo, a partir dun mapa de España situado na páxina de inicio da nova plataforma dixital, o usuario descobre a localización dos sitios declarados Patrimonio da Humanidade, distribuídos polas 17 Comunidades Autónomas. Cada icona conduce ao visitante a un ben cultural e permite coñecer máis información, desde a data de inscrición na Lista da UNESCO ata os principais valores que impulsaron a súa declaración.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com