A Xunta acometerá obras de mellora na estación de autobuses

A Consellería de Infraestruturas e Mobilidade adxudicou obras de mellora na estación de autobuses de Lugo. Os traballos teñen un prazo de execución dun mes e está previsto que comecen a mediados de marzo.

As actuacións programadas inclúen o acondicionamento dunha zona da cuberta, en concreto a que está situada sobre o comedor do establecemento de hostalería que hai nestas instalacións.

Tamén se mellorará unha parte do sistema de saneamento, substituíndo o colector que sae dos baños da planta baixa e un treito da acometida á rede xeral. Ademais, executaranse novas arquetas de paso. Está previsto que posteriormente se repoña a parte da beirarrúa e do solo que se vexan afectados polas obras.

 

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com