Ribeira Sacra CañónsA Xunta de Galicia vixiará estreitamente a evolución dos niveis de ocupación dos encoros de As Portas, Cenza, Salas e Belesar, na conca hidrográfica do Miño-Sil, ao considerar que a súa situación actual é moi preocupante e que un posible escenario de seca en Galicia durante os vindeiros meses podería agravala aínda máis.
Segundo as comprobacións feitas nas últimas horas por técnicos da Consellería de Medio Ambiente, Territorio e Vivenda, organismo responsable do establecemento e control do caudal ecolóxico na Comunidade, cómpre subliñar que os datos de ocupación nestes catro encoros non son os esperados nin os habituais para esta época do ano.
De feito, no caso do encoro de Belesar, en Lugo, os informes da Xunta indican que o seu actual nivel de ocupación —30,1% e non se alcanzou o ano pasado ata finais do mes de outubro.
Neste sentido, cómpre subliñar que o outono adoita ser a época de maior seca en Galicia, de xeito que os encoros alcanzan os seus niveis máis baixos cara a finais de outubro. Pero tendo en conta a actual ocupación de Belesar, Salas e sobre todo, As Portas e Cenza, se non chove nos vindeiros meses a situación podería complicarse moito.
