A Presidencia da Xunta de Galicia vén de conceder no día de hoxe as Distincións ao Mérito Deportivo de Galicia 2015 a 29 persoas e 3 institucións entre as que se atopan o equipo feminino de baloncesto Medina S.F., o club Atletismo Comesaña e o Colexio Martínez Otero, nunha resolución que será publicada en próximas datas no diario oficial de Galicia.
O xurado cualificador que concedeu os galardóns estivo conformado por representantes do tecido deportivo, dos medios de comunicación e da secretaría xeral para o Deporte.
Creadas no 2010, as Distincións ao Mérito Deportivo de Galicia son concedidas de forma anual en recoñecemento do labor ou traxectoria notoria e exemplar no ámbito deportivo a persoas físicas ou xurídicas, entidades ou organismos, que teñen contribuído ao crecemento, promoción, fomento e excelencia do deporte e da educación física da Comunidade Autónoma.
O acto de entrega das Distincións 2015 estará presidido polo titular do goberno galego, Alberto Núñez Feijóo, nun acto solemne que se celebrará no Auditorio Municipal de Vilalba o vindeiro xoves día 9 de xullo, e que contará coa asistencia dos galardoados, os seus familiares e achegados, e representantes do mundo do deporte galego.
Distincións ao Mérito Deportivo de Galicia 2015:
– Pablo Beiro Diz, a título póstumo
– Jorge Benito Chao López, a título póstumo
– Óscar Burrieza López
– Óscar Cacheiro Rocha
– Rafael Cid Navarro
– Colexio Martínez Otero
– Comesaña Sporting Club
– Juan Carlos Costas Rosés
– Gerardo Dios Vidal
– Lee Dong Kyu
– Benigno Fernández Alonso
– Mª Teresa Franco Martínez
– Manuel García Valiñas
– Rosa Mª Gómez Llamas
– Victorino González Enríquez
– Simón González Salgado
– Fco. Javier González Vázquez, a título póstumo
– Medina S.F.
– Emilia Mesa Soriano
– Ángeles Moinelo Allegue
– Manuel Montero Vidal
– Roberto Naveira Figueiras
– Manuel Pazos González
– Inmaculada Pazos Sánchez-Rubio
– Javier Pazos Sánchez-Rubio
– Pedro Miguel Piñeiro Lago
– José Luis Sala García
– Alfredo Sánchez Carro
– Raimundo Sendino Ortega
– Manuel Valcárcel Lastra
– David Vidal Gómez
– Ángel Villar Varela
