Aberta, de novo, ao tráfico a Ronda da Muralla á altura da Porta Santiago

O Concello de Lugo vén de reabrir ao tráfico a Ronda da Muralla, no treito que transcorre entre a Porta Santiago e a rúa Vilalba, tralas obras realizadas nas que se suprimiu un carril de circulación a favor da creación dunha beirarrúa pegada ao monumento romano, xa que a zona carecía dela.

O Tenente de Alcalde da localidade, xunto ao edil de Infraestruturas visitaron a zona esta mañá onde todavía seguen realizando obras de mellora.

Coa nova ordenación do tráfico rodado, o tráfico que circule pola Ronda terá prioridade sobre o chegado da rúa Santiago, que pasarán a ter un Ceda o Paso. “Isto xunto coa reordenación das rúas Cidade de Viveiro e Pascual Veiga permite crear itinerarios máis rápidos para chegar desde este cruce ata Ramón Ferreiro en coche”, explicou o tenente de alcalde.

O segundo edil destacou a importancia desta actuación para mellorar a protección da Muralla, reducindo as vibracións producidas polos vehículos a motor “cumprindo coas recomendacións do ICOMOS para garantir o mantemento da Muralla”. Segundo o Tenente Alcalde, “este é un dos piares máis importantes do traballo da área de Mobilidade e Infraestruturas desde a nosa chegada ao goberno”.


Imaxe de arquivo:  Ronda da Muralla á altura da Porta Santiago

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com