" />

Accidente entre un coche e un camión na A-6 á altura de Guitiriz

Un particular que circulaba polo lugar chamou ao 112 Galicia minutos antes deste mediodía, dunha colisión entre un coche e un camión na A-6, ao seu paso por San Xiao de Roca, en Guitiriz. Segundo o alertador, o coche quedara incrustado no camión. Polo tanto, desde o 112 se lle pasou o aviso a Urxencias Sanitarias de Galicia-061, ao GES de Friol-Palas, á Garda Civil de Tráfico, á Policía Local e Protección Civil de Guitiriz e aos servizos de mantemento das estradas.

Unha vez no punto, os servizos de emerxencias puideron comprobar que a persoa ferida, ocupante do turismo, atopábase no exterior, polo que foi o persoal dos servizos sanitarios quen a trasladou ao centro hospitalario de referencia.

Os efectivos do GES, pola súa banda, participaron nas tarefas de limpeza para restablecer o tráfico coa máxima celeridade.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo