Con motivo do 30 aniversario da Asociación de Mulleres Empresarias de Lugo (AELU) e unido ás xornadas de portas abertas do CEI-Nodus organizadas polo Concello de Lugo, terá lugar o Festival Voces de Muller. Un evento co que a asociación pretende fomentar o emprendemento feminino e que se celebrará este venres, día 28 de setembro, na praza do parque de bombeiros.
Un festival que está financiado pola Xunta de Galicia, a Federación de Comercio e o Concello de Lugo e co que colaboran outras entidades. A partir das 11 da mañá, as empresarias abrirán os expositores de venta de productos e servizos; pero non será ata a tarde cando arranquen os obradoiros e concertos.
Así dende as 17.00 horas a música resoará no parque de bombeiros de Lugo, con voces como a de Rut León, Raiceira, Alexandra Pérez ou Barbarian Prophecies, entre outras moitas. Diferentes estilos e sons que terán como obxectivo celebrar a sororidade e o empoderamento feminino entre as empresas da capital.
