" />

Arranca en Lugo a Exfilna 2021

Desde a Sociedade Filatélica Lucense, promotora e coorganizadora da EXFILNA 2021 xunto á Federación de Sociedades Filatélicas ( FESOF), queremos convidar á cidadanía para achegarse ás tres sedes da Exposición mesmo aínda que non sexan afeccionados á filatelia.

Falar deste tema é falar de historia, de cultura, de arte. Cada selo é reflexo dunha época, un estilo ou unha forma de transmitir que ten o seu propio proceso e nesta exposición, que reúne máis de 80.000 pezas e en que se dan cita as mellores coleccións nacionais, poderemos aprecialas.

Poderán ver coleccións temáticas, históricas mesmo xuvenís… a filatelia é un campo aberto, limitado unicamente pola vontade e a capacidade do coleccionista que dá forma á súa achega. Durante estes últimos días o traballo foi frenético, coa instalación das vitrinas e a colocación das coleccións. Tamén se constituíu onte o xurado da Exposición, que valorará as diferentes propostas dos coleccionistas e que dará a coñecer o seu fallo mañá venres.

Horarios e sedes

A EXFILNA pódese visitar de forma libre e gratuíta nas súas tres sede:

*Carpa da Praza de Santa María

*Salón Rexio do Círculo das Artes

*Salga de Exposicións da Deputación Provincial

Os horarios son de 10:00 a 14:00 e de 17:00 a 20:00 de luns a sábado e o domingo de 10:00 a 14:00 horas.

Presentación das emisións
Ademais da Exposición, que se inaugura hoxe, tamén se presentarán nun acto que terá lugar no Concello de Lugo, as emisións que Correos fai neste ano 2021 dedicadas a Lugo. Unha folla bloque da cidade e outra emisión dedicada ao Conde de Lemos serán as pezas centrais destas emisións.

Esta presentación será protagonizada pola Alcaldesa de Lugo, Lara Méndez, o Director de Filatelia de Correos Jordi Escruela, o presidente de FESOFI (Federación de Sociedades Filatélicas) Miguel Ángel García e o Presidente da  Deputación José Tomé.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo