" />

Aumenta a presión asistencial en Lugo nun novo día de baixada de casos

A provincia de Lugo descende, de novo, as súas cifras de covid. Todas menos as relativas á presión asistencial e aos contaxios, que aumentan lixeiramente.

Así o revela o último informe do SERGAS con datos recabados ata as 6 da tarde de onte, no que se cifran en 667 os casos activos, 60 persoas menos das que se rexitraban na xornada anterior. Malia as boas cifras, o certo é que os contaxios aumentaron con respecto á xornada anterior. Mentres o sábado o SERGAS rexistraba 14 positivos en probas diagnósticas, no día de onte Sanidade detectou 27 positivos novos.

No tocante á presión asistencial, a xornada de onte tampouco foi positiva. E é que Lugo rexistrou un aumento dos ingresados con 20 persoas en planta, fronte as 18 da xornada anterior; e tres na UCI. Por centros, o HULA é o que máis pacientes covid contabiliza con 11 en plan e 3 na UCI; o Hospital da Mariña ten 2 ingresados e o Hospital de Monforte conta con 7 pacientes en planta.

Dende o inicio da pandemia, en Lugo faleceron 241 enfermos de covid, mentres que 18.780 xa poden dicir que superaron a enfermidade.

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo