O presidente da Comisión de Transportes do Congreso e candidato á presidencia da Xunta polo PSdG José Ramón Gómez Besteiro anunciou esta mañá que o viaducto da A6 abrirá ao tráfico en dirección Madrid o vindeiro día 30 de decembro.
Fixo nunha visita realizada esta mesma mañá ás obras acompañado do presidente da Deputación de Lugo, o alcalde de Pedrafita do Cebreiro e a alcaldesa de Vega de Valcarce, onde sinalou ” o estricto cumprimento dos prazos o que evidencia o compromiso de Pedro Sánchez con Galicia”.
Pola súa banda, o Presidente da Deputación incidiu en que, mentres o Goberno do Estado “cumpre coa provincia e con Galicia pois respéctanse estritamente os prazos marcados polo Executivo para acometer as obras de reconstrución dos dous viadutos do Castro entre Pedrafita do Cebreiro e Vega de Valcarce”, a Xunta segue con “graves incumprimentos”, como é o “abandono” da estrada autonómica LU-651, no Courel. O Goberno galego aínda non arranxou, despois de case dous anos, o derrubamento que sufriu a vía entre Folgoso e Quiroga, e non construíu “un só quilómetro” entre Folgoso e Seoane.
