Carballo ratifica o seu compromiso de impulsar a Ronda Norte e a Ronda Leste

O candidato do PP á alcaldía da capital, Ramón Carballo ten claro para facer que Lugo funcione e poñer #LugoEnMarcha é preciso apoiar decididamente as infraestruturas que facilitarán o crecemento, polo que amosa o seu compromiso de impulsar dende a alcaldía o “desdobramento e iluminación da Ronda Norte e a execución da Ronda Leste”.

Ramón Carballo explica que “se queremos un Lugo de primeira e que a cidade sexa referente en diferentes eidos temos que conseguir primeiro unha cidade ben comunicada, de aí o meu firme compromiso de apoiar e impulsar estas dúas infraestruturas”.

Pero o alcaldable popular non se queda so con estas medidas, senón que tamén quere melloraremos os accesos a Lugo a través da axilización do desdobramento e iluminación da Avenida de Duquesa de Lugo, dignificar a entrada da Avenida Adolfo Suárez pola Fervedoira, promover un plan de tráfico específico para mellorar a mobilidade da estrada vella de Santiago ou resolveremos o acceso da cidade dende a ponte branca.

Medidas que facilitarán o acceso a Lugo e que irán da man doutras que mellorarán a circulación e a seguridade no entorno urbano. Entre esas outras medidas están o redimensionamento dos carrís en varios cruzamentos de Lugo para mellorar a seguridade de peóns e condutores en puntos como de Pintor Corredoira coa Ronda de Fingoi ou na unión da Ronda da Muralla con a rúa Santiago, entre outros.

Para Ramón Carballo é fundamental mellorar os accesos a Lugo e a seguridade viaria, por iso tamén se marca como obxectivo deseñar un mapa cos puntos negros de tráfico que contemplarán, entre outras medidas, remodelar as interseccións perigosas, impulsar a obra rotonda Alfonso X, estudar puntos conflitivos de tráfico e dotalos de rotondas ou outros elementos que melloren a seguridade e actuacións concretas e individualizadas en barrios e polígonos industriais.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo