" />

Concello e Deputación avalían a proposta de trasladas a Protectora ao antigo Matadoiro

Concello e Deputación avalían a proposta municipal de trasladar a Protectora ás instalacións do antigo Matadoiro. O edil de Medio Ambiente, Álvaro Santos, avanzaba hoxe que se trata dunha posibilidade na que “levamos meses traballando, en concreto dende que xurdiu a controversia sobre a viabilidade da reforma e/ou ampliación do actual recinto que ocupa a Sociedade Protectora de Animais e Plantas, para ofrecer unha alternativa á súa localicación”.

“Así, dispuxémonos a avaliar a funcionalidade do antigo Matadoiro, sito en San Xoan de Pena, como posible ubicación para acoller a esta entidade que presta un servizo tan fundamental para a sociedade e para toda a cidade – explicou o concelleiro. De maneira que, mantendo a aportación económica da Deputación, esta actividade poida desenvolverse nun lugar máis amplo, nun contexto moito máis confortable o que permitirá, á súa vez, atender tamén a un maior número de animais e, sobre todo, en mellores condicións tanto para eles como para o persoal e os voluntarios que alí traballan”.

Santos Ramos quixo poñer de manifesto que, neste senso, “a vontade política do goberno de Lara Méndez é clara e así se lle trasladou hai meses xa á Protectora ofrecéndolle este espazo no que tivera continuidade o seu labor nunhas instalacións axeitadas ás súas necesidades e coas que, ademais, queremos poñer en valor este inmoble municipal que actualmente se atopa en desuso, pulando, ao mesmo tempo pola súa recuperación”, concluíu.


Imaxe de arquivo cedida polo Concello de Lugo

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo