Denuncia da Plataforma Sanitaria da Mariña sobre os atrasos na atención sanitaria a unha muller

Unha muller denuncia  os numerosos atrasos e a desidia que está a amosar a administración sanitaria, tras unha intervención cirúrxica dun ombreiro  á que foi sometida no ano 2016. De dita operación a paciente queda con secuelas importantes que dificultan a realización das tarefas propias do seu traballo e moitas actividades da vida diaria. A desidia e a falta de continuismo terapeútico do Sergas é  de tal magnitude, que dous anos despois da intervención solicítanlle a máis que necesaria  rehabilitación  postcirúrxica, para a correcta recuperación da funcionalidade do ombreiro , pero esta non é administrada ata finais do 2020.

Previamente e para recuperar o máximo posible,  decide realizar o tratamento rehabilitador pola súa conta , máis cando solicita reembolso dos gastos ocasionados “ o Sergas négase alegando que non era unha necesidade urxente e tampouco quixeron facerme revisión postratamento”– relata a muller.

Ao fin, en decembro de 2020, tras catro anos da intervención,  realízanlle unha resonancia con contraste e , a data de hoxe , aínda  non foi citada polo servizo de traumatoloxía para coñecer os resultados, ao igual que tampouco foi vista polo especialista tras o tratamento de fisioterapia que recibiu.

A deixadez e inoperancia da Xerencia é de tal calibre que a paciente non puido achegar a documentación que precisaba á administración para solicitar unha discapacidade polas lesións que lle quedaron, xa que pediu informes da súa intervención por todos os medios ao seu alcance, mesmo con escritos dirixidos á dirección do hospital da Mariña, sen obter resposta algunha.

Por iste motivo a muller contacta coa Plataforma Sanitaria, que lle redacta e rexistra  reclamación  o día 6 de maio de 2021, con número de entrada no rexistro  00923. sin que ata o momento tiveran a ben proporcionarle os informes aos que ten dereito e que a administración ten a obriga de proporcionarlle.

Plataforma Pola sanidade pública da Mariña

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com