Elena Candia porá en marcha o “buzón do afiliado”, se sae elixida Presidenta do PP

A candidatura que encabeza Elena Candia porá en marcha o buzón do afiliado, para operar como unha nova canle de comunicación directa entre os militantes e a presidenta provincial do Partido Popular de Lugo, se así se decide o día 6 de marzo no Congreso extraordinario.

Este novo espazo de comunicación servirá para recoller suxestións, propostas e inquedanzas dos máis de 12.000 afiliados lucenses, aos que Elena Candia quere seguir escoitando, non só durante este proceso electoral interno senón tamén ao longo de todo o mandato.

“Os afiliados do Partido Popular reclaman máis presenza e protagonismo na vida diaria do partido e creo que esta pode ser unha ferramenta máis áxil e inmediata de contacto coa futura dirección”.

A candidatura que encabeza Candia segue a facer propostas aos afiliados populares de cara a gañar as eleccións. Destaca nestas propostas, a creación das novas xuntas comarcais con elección directa dos seus dirixentes, o compromiso de maior periodicidade destas reunións ou o deseño dunha nova web e dunha aplicación móbil que busca unha maior interacción e proximidade cos militantes e co conxunto da cidadanía.

Satisfeita cos apoios

Por outra banda, Candia quere poñer en valor os apoios que está a recibir de destacados dirixentes, alcaldes, portavoces e militantes do Partido Popular. “Outros non poden facelo porque, ou non teñen equipo, ou cada vez este é máis reducido ao atoparse con dificultades á hora de sumar apoios ao seu proxecto”, engadiu.

 

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo