" />
OLYMPUS DIGITAL CAMERA

Emotiva homenaxe a Paco Pestana, na Fundación Rodríguez Iglesias

José María Paz Gago, catedrático de Literatura Comparada da Universidade da Coruña; a editora de Hércules de Edicións, Laura Rodríguez Herrera, e os artistas Miguel Anxo Macía e María Porta participaron onte na homenaxe a Paco Pestana que tivo lugar na sede da Fundación Rodríguez Iglesias, con motivo da presentación de A vida contemporánea: Emilia Pardo Bazán no seu tempo e no noso, un libro de coleccionista para o que o autor realizou a ilustración De traca, así son: tan lúcida e tan fraca. Equilicuatro!!!

A vida contemporánea: Emilia Pardo Bazán no seu tempo e no noso (Hércules de Edicións, 2021) recompila máis de medio centenar das crónicas que a autora coruñesa escribiu para a revista A Ilustración Artística entre os anos 1895 e 1916, seleccionadas por José María Paz Gago. Trátase dunha edición limitada a 100 exemplares que inclúe nove láminas numeradas creadas especificamente para este proxecto polos artistas Yolanda Dorda, Ana Lamuño, María Leal, Lucía López, Miguel Anxo Macía, Paco Pestana, Isabel Pintado, María Porta e Julio Sanjurjo Aler. A obra, de 400 páxinas e impreso en cuatricomía, está encadernada en tea de alta calidade cun estoxo de luxo, personalizado e deseñado especialmente para esta edición.


Imaxe: María Porta, Laura Rodríguez Herrera, José María Paz Gago e Francisco Rodríguez Iglesias. Autor: Gerardo G. Mourín. 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo