Escontrela será finalmente o candidato do Psoe en Sarria

Benjamín Escontrela que fora o candidato de Galicia Sempre nas anteriores eleccións municipais, será finalmente o candidato dos socialistas en Sarria. Logo da pugna que nos últimos meses se veu producindo entre os socialistas locais e o presidente da deputación, por querer Tomé impoñer a Escontrela.

A Executiva do PSdeG aprobou onte nunha reunión celebrada a última hora da tarde a proposta de candidatura, que foi validada pola Comisión de Listas nunha xuntanza inmediatamente posterior.

O novo candidato socialista, que afronta o  reto de, polo menos, manter a os resultados da anterior candidata socialista, foi apartado do goberno municipal, do que formou parte ata hai uns meses, polo actual alcalde Claudio Garrido, por mor duns problemas na residencia de anciáns de Sarria.

Escontrela ten previsto, se chega a alcaldía, a implantación dun “bo plan de servizos sociais, de axuda a domicilio, axuda no fogar e conciliación laboral e familiar Neste ámbito, considera esencial “unha reforma estrutural en todos os sentidos da residencia, que hai que ampliar e amañala, ademais de crear un centro de día, onde se poidan desenvolver talleres de memoria ou terapia cognitiva, entre outras actividades”.

Potenciar o Camiño de Santiago como recurso xerador de riqueza e emprego en Sarria, “onde podemos ofrecer todos os servizos que precisan os peregrinos para o seu benestar, tanto atención sanitaria as 24 horas, como servizos de tren ou albergues, entre outros”, é outra das súas apostas.

Para Benjamín Escontrela é así mesmo prioritario apoiar o medio rural, traballando dende o concello para dotar e mellorar todos os servizos dos veciños e veciñas, ben sexa en materia de saneamento, abastecemento ou estradas.

Unha vez ratificada a súa candidatura, Benjamín Escontrela presentará nas vindeiras datas a súa candidatura aos veciños e veciñas de Sarria.

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com