O portavoz do Grupo Municipal do BNG e Tenente de Alcalde de Lugo esixiu que o Grupo Municipal do Partido Popular e o seu portavoz, Ramón Carballo, pidan desculpas pola actitude mantida na Comisión de Festas celebrada o mércores en Lugo. Rubén Arroxo afirmou que “as formas de actuar de Ramón Carballo non son aceptables para dirixirse a ningunha muller”, e esixiu “desculpas públicas por manter estas actitudes e dirixirse deste xeito a unha concelleira nun organismo municipal”.
O segundo edil afirmou que “desde o BNG non toleraremos este tipo de comportamentos en ningún ámbito, e especialmente nas xuntanzas de traballo do Concello de Lugo”, e engadiu “hai que saber diferenciar cando se está nun organismo municipal e cando se está xogando a partida na barra dun bar”.
O portavoz nacionalista sinalou que “non se poden consentir as faltas de respecto nin as actitudes machistas doutros concelleiros á Corporación da que forman parte”, e afirmou que “mentres que desde o BNG traballamos a diario pola eliminación das conductas machistas, o PP continúa a demostrar que só lle interesa a igualdade como un xeito de facer propaganda”.
Set 06, 2021 - 11:50 AM
É non vos dara vergonza axea, que salía estas noticias no xornal. Ou o importante é saír. Debedes de ser máis coherentes e educados, non serve todo