As medidas de protección á cidadanía activadas nos concellos de Pantón e O Bolo en Ourense pola proximidade de senllos incendios forestais materializáronse mediante a evacuación nuns casos e o confinamento noutros.
Así, en Pantón, onde o lume xa arrasou 350 hectáreas, concretamente nos núcleos de Cibrisqueiros, Frontón e Budián foron evacuadas un total de 47 persoas, isto é, 6 en Cibrisqueiros, 20 en Frontón e 21 en Budián.
Ademais, no Bolo, procedeuse ao confinamento dos núcleos de Lentellais, Santa Cruz e O Bolo e estableceuse o corte de tráfico na OU-533, entre os quilómetros 33 e 38.
Tamén é necesario reflectir que nos núcleos do concello de Pantón, os axentes da Garda Civil continúan controlando outras poboacións por se fose necesario adoptar novas medidas de protección.
