A Policía Local de Lugo interviu nunha pelexa na noite de onte tras recibir un aviso da Sala do 092. Os feitos tiveron lugar na Praza Horta do Seminario, onde dúas persoas se estaban agredindo entre elas mentras unha terceira intentaba mediar entre as partes. Foi necesaria a intervención dos axentes para separalas e tamén se requeriu unha ambulancia do 061 para trasladar a un centro médico a un deles, que presentaba feridas na cara. O motivo da discusión foi por temas laborais.
Altercado nun local
Tamén foi precisa a intervención da Policía local nunha liorta que se produciu o pasado día 27 na terraza dun local da Avenida da Coruña. Un grupo de dúas mulleres denunciou que un coñecido se achegou a unha delas e lle propinou unha puñada, ao que ela respondeu a modo de defensa empregando unha cadeira. A policía cre que a motivación desta pelexa foi unha suposta débeda.
Ambas partes tiveron que ser trasladadas en ambulancia a un centro médico, posto que tanto o home coma a muller presentaban feridas leves.
