Un mozo de Sarria faleceu esta noite tras saírse da vía co seu coche ao tratar de esquivar a un can. O accidente tivo lugar na estrada que vai de Sarria a Paradela e debido ao forte impacto, o mozo quedou atrapado no interior do vehículo, polo que, foi preciso a intervención dos Bombeiros que, excarceraron ao falecido. No vehículo viaxaba outra persoa que tamén tivo que ser evacuada polo persoal sanitario e trasladada ao Hospital Universitario Lucus Augusti.
Os pais do falecido, nada mais chegar ao lugar, tamén tiveron que ser atendidos polos técnicos sanitarios. Pasaban uns minutos das 23:30 horas da noite pasada, cando Urxencias Médicas informaba ao CAE 112 Galicia do accidente. A partir de aí, requiriuse a intervención dos Bombeiros, dos axentes de Tráfico e dos efectivos de Protección Civil de Sarria.
