Os Bombeiros de Barreiros tiveron que empregar material de excarceración para liberar as dúas persoas que viaxaban nun coche que saíu da vía e envorcou en San Cosme de Barreiros. Ambas foron trasladadas ao centro hospitalario de referencia.
O 112 Galicia recibiu o aviso do Servizo de Urxencias Sanitarias de Galicia-061 ás 21:25 horas de onte. A información inicial indicaba que podía haber persoas atrapadas no interior do vehículo.
O centro de emerxencias alertou os Bombeiros de Barreiros e a Garda Civil de Tráfico. Tras a intervención, os bombeiros confirmaron que necesitaran utilizar o material de excarceración para liberar os dous ocupantes.
