O helicóptero medicalizado do 061-Urxencias Sanitarias con base en Ourense evacuou esta mañá a un operario que resultou ferido de gravidade ao caer desde un tellado en Palas de Rei.
Os feitos sucederon en Remesedo, ao fío das 11:50 horas. O 112 Galicia tivo constancia do ocorrido a través dos servizos sanitarios de urxencia e, nada máis recibir o aviso, os xestores do CIAE 112 Galicia requiriron a intervención da Agrupación de Voluntarios de Protección Civil de Palas de Rei, da Policía Local e da Garda Civil.
Finalmente, o traballador ferido foi trasladado na aeronave ao Hospital de Lugo.
