Ás 05:00 horas do día 25 de xuño, compoñentes do Subsector de Tráfico de Lugo, durante o desenvolvemento dun punto de verificación de alcoholemia establecido no quilómetro 493,500 da N-VI, lugar de San Vicente de Coeo, termo municipal de Lugo, detiveron a marcha dun turismo o cal era conducido por un veciño de Páramo de Sil (León) de 42 anos de idade, o cal unha vez sometido ás correspondentes probas de alcoholemia, arroxou un resultado positivo de 0,89 mlgrs/l.
Á vista do anterior procedeuse a instruír as preceptivas dilixencias que foron remitidas ao Xulgado de Instrución de Lugo, pasando o citado condutor á condición de investigado como suposto autor dun delito contra a Seguridade Viaria. Posteriormente ordenouse a inmobilización do vehículo o cal quedou estacionado nunha chaira próxima ao lugar dos feitos coa prohibición expresa de conducir en tanto non desaparecesen as causas que motivaron esta medida.
Ás 06:55 horas do mesmo día, cando os Axentes atopábanse realizando outro punto de verificación de alcol e drogas á altura do balneario de Lugo (P.K.505,5 da N-VI), detiveron a marcha dun turismo para facerlle a proba de alcoholemia. Tanto o vehículo como o seu condutor resultaron ser os mesmos que apenas dúas horas antes foran detidos 7 quilómetros atrás. Sometido de novo ás probas de alcoholemia arroxou de novo un resultado positivo de 0,76 mlgs/l. Por estes feitos foron instruídas de novo dilixencias como suposto autor dun novo delito contra a Seguridade Viaria ademais de ser proposto para sanción ante a Xefatura Provincial de Tráfico por quebrantar a medida cautelar de inmobilización decretada con anterioridade.
Ás 15:00 horas da tarde, unha patrulla do Subsector de Tráfico, tras realizar a proba de alcoholemia, e arroxar esta un resultado dentro das marxes admitidas para conducir, procederon a levantar a inmobilización, podendo continuar a súa viaxe o amentado condutor.
