A Real Academia Galega dedica o Día das Letras Galegas 2025 o cal se celebra hoxe, á poesía popular oral, na figura de varias mulleres cantareiras como : Eva Castiñeira Santos, de Muxía, Manuela Lema, Teresa García Prieto e Prudencia e Asunción Garrido Ameixenda, integrantes as catro das Pandeireteiras de Mens (Malpica) e Adolfina e Rosa Casás Rama, de Cerceda,
Nesta ocasión, en paga de facelo nunha persoa determinada, tomouse a decisión de que a representación fora colectiva, como xa se fixera na elección dos trobadores da ría de Vigo en 1998, cando se lles dedicou o Día das Letras daquel ano, rendendo homenaxe á poesía medieval. Coa elección deste ano 2025, o que se pretende e recoñecer a importancia dos cantos populares transmitidos de xeración en xeración, de forma case exclusiva por mulleres, coa excepción singular da montaña luguesa (Os Ancares e O Courel) na que tamén participaron homes, aínda que de xeito moito menos importante.
Tamén é de destacar que en paga de pandeireta, nestas serras, utilizábase como instrumento de percusión a pandeira, máis grande e con menos ferreñas que a pandeireta.
Foto: Inés Rodríguez cantora dos Ancares.
