" />

Inaugurada a I Feira de emprego e talento

A I Feira de Emprego e Talento impulsada desde a Asociación de Empresarios do Polígono O Ceao-As Gándaras quedou inaugurada esta mañá. A xornada iniciouse cunha serie de intervencións  por parte das autoridades asistentes, ás que foi dando a palabra Ramón Alonso, vicepresidente da Asociación de Empresarios. Alonso explicou na súa intervención que o obxectivo desta feira era crear un punto de encontro. “Ofrecer un lugar onde dar visibilidade aos distintos actores” do ecosistema laboral. Así manifestou que é indispensable a colaboración entre as catro patas fundamentais deste ecosistema: o mundo empresarial, o mundo académico, o mundo institucional e aqueles que ocupan os postos de traballo ou están en busca de emprego ou dunha mellora laboral. O directivo tamén destacou a importancia dos empresarios e  anunciou a continuidade da feira de fronte ao futuro e fixo un chamamento aos empresarios que aínda non son socios a asociarse: “porque xuntos somos máis fortes”. Tras declararse inaugurada a I Feira de Emprego e Talento, autoridades, empresarios, académicos e público asistente fixo un percorrido polas diferentes casetas interesándose polo que ofrecían e polo perfil das persoas que se estaban achegando desde primeira hora da mañá ás diferentes casetas.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo