Hoxe, o Club Deportivo Lugo presentou a Javier Recio como o seu novo director deportivo. Acompañado polo presidente Ronald Baróns e polo novo director xeral, Adrián Ragusa, Recio é a persoa que liderará a parcela deportiva nunha nova etapa marcada pola ambición e a necesidade de recuperar a conexión coa afección. “Temos que recuperar a ilusión dunha afección, dunha cidade, que para nós ten que ser un piar fundamental para volver ao fútbol profesional”, afirmou Recio, que asume o cargo co reto de construír un proxecto sólido desde os cimentos.
O novo director deportivo explicou que o primeiro paso será definir un modelo de xogo claro e unha identidade propia antes de confeccionar o persoal. Recio tamén subliñou a súa aposta polo fútbol basee “Traballei moitos anos en canteira e doulle moita importancia. Queremos un Lugo con identidade, ambicioso, que non especule e no que a afección senta representada”.
Sobre a elección do técnico, avanzou que as negociacións están “moi avanzadas e que podería pecharse antes da fin de semana”.
Recio deixou unha mensaxe clara á afección: “Lugo e eu atopámonos no momento perfecto. Empeza unha etapa nova e queremos ilusionar á xente con feitos, non con palabras”.
