Leiceaga pídelle aos votantes socialistas que se mobilicen “para facer posible o cambio en Galicia”

O candidato socialista á presidencia da Xunta de Galicia, Xoaquín Fernández Leiceaga, pediulle hoxe aos votantes socialistas que se mobilicen “para facer posible o cambio en Galicia”.

Leiceaga visitou o peirao de Burela xunto ao alcalde, Alfredo Llano, antes de participar nun acto electoral na praza da Mariña. “Votar Partido Popular só é bo para a carreira de Feijóo e malo para Galicia”, asegurou.

Na súa intervención, o candidato do PSdeG propuxo “un plan de revitalización demográfica para que Galicia vaia a máis”, con medidas de fondo como a contratación de 10.000 mozos ao ano e un programa de vivendas públicas en réxime de aluguer para mozos.

Dentro de este plan, Leiceaga falou tamén da necesidade de mellorar a rede de transporte público e de crear unha rede de escolas infantís, aumentando un 15% o seu número preto dos centros industriais.

“Os galegos queren cambio e queren que o lideremos nós, pídolle a todos os que algunha vez votaron ao PSOE que se mobilicen porque o cambio é posible e porque Galicia o necesita; votar ao PP só é bo para a carreira de Feijóo, votar socialista é bo para os galegos”, rematou.

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com