Os casos activos por coronavirus continúan en descenso e nas últimas 24 horas o número de casos é de 470, cuarenta menos que onte, segundo os datos facilitados pola Dirección Xeral de Saúde Pública da Consellería de Sanidade na súa última actualización.
En Galicia os novos positivos tamén descenden e baixan do centenar por primeira vez dende esta quinta onda, e o número de casos activos de coronavirus é de 2.387 deles 633 son da área da Coruña, 470 da de Lugo, 271 da de Ourense, 160 da de Pontevedra, 403 da área de Vigo, 375 da de Santiago e 75 da de Ferrol.
Do total de pacientes positivos, 28 están en UCI, 79 en unidades de hospitalización e 2.280 no domicilio. Polo de agora, en Galicia hai un total de 176.677 persoas curadas, rexistrándose 2.614 falecementos.
O número de PCR realizadas é de 2.805.485.
O número de doses de vacina contra a covid-19 administradas é de 4.287.354.