En Marea reunese en Monforte coa Xunta do Persoal do Hospital Comarcal

O voceiro de En Marea Luís Villares mantivo esta tarde unha xuntanza en Monforte para avaliar as consecuencias da nova Lei de Saúde de Galicia para a área sanitaria, que previsiblemente desaparecerá trala aprobación do novo texto normativo. A reunión, na que estiveron presentes representantes da Xunta de persoal do Hospital de Monforte e mais da Plataforma en Defensa da Sanidade Pública, falaron sobre as actuacións a desenvolver para esixir a retirada da nova lei.

“Ademais de afastar a poboación dun dereito básico, a supresión de áreas sanitarias coma a de Monforte vai conlevar un deterior da Atención Primaria e tamén na atención sanitaria especializada nas comarcas galegas”, declarou Luís Villares ao remate da xuntanza, durante a que lle transmitiu a toda a comunidade sanitaria a oposición de En Marea á nova lei e o compromiso de traballar “nas institucións e tamén nas mobilizacións da rúa contra un texto elaborado de lombo a todo o persoal sanitario, a sindicatos e tamén a pacientes e usuarios”.

Ademais, o voceiro de En Marea amosouse convencido de que a Xunta modifica o mapa de áreas sanitarias como paso previo “a seguir aplicando máis recortes en medios humanos e materiais” e avanzar na privatización da sanidade pública.

Trala xuntanza, ás 20.30 horas Luís Villares e a deputada Paula Vázquez Verao participarán nun acto informativo sobre as consecuencias da modificación da Lei de Saúde que terá lugar na Casa de Cultura de Monforte.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com