Manuel Martínez, alcalde de Becerreá e Deputado Provincial, fixo esta maña un comunicado, onde informou que xa recibira o aviso da oficina de correos, onde se lle notifica a decisión que fixo pública no día de onte a dirección federal do Partido Socialista, da súa proposición de expediente de expulsión.
Martínez comunicou que “pasarei a recoller o aviso no prazo legalmente establecido para poder exercer a defensa que legalmente me corresponde”.
Martínez terá dez días para presentar as alegacións que considere pertinentes perante a Comisión Federal de Ética e Garantías do Psoe.
