A Casa da Cultura de Meira abriu onte as súas portas á exposición Imaxes do Nadal composta por 32 obras de nove fotógrafos membros do Grupo Fotocinematografico Fonmiñá de Lugo.
A mostra, organizada polo Centro cultural José Dominguez Guizán de Begonte, entidade promotora do Belén electrónico begontino, ten carácter itinerante e este Nadal ademais de Meira visitará a Biblioteca de Castro Ribeiras de Lea e o Centro sociocultural de Friol.
Está composta por 32 fotografías con imaxes do Nafdal desdre as máis diversas perspectivas, xa que para cada fotógrafo e mesmo para quen contempla as fotografías, o tempo de O Nadal supón algo diferente, marcado polas crenzas, experiencias, observacions… sendo esta exposición unha boa ocasión para ampliar a visión sobre este tempo tan especial.
