Un ciclista faleceu este mediodía en Outeiro de Rei ao caerse da bicicleta coa que circulaba e golpearse coa estrada.
Os feitos ocorreron no lugar de Paz, ao fío das 12:00 horas. Nese momento, o 112 Galicia tivo constancia do accidente a través do 061-Urxencias Sanitarias. Acto seguido, o persoal do CIAE 112 Galicia pasaba o aviso á Garda Civil de Tráfico e aos bombeiros de Vilalba.
Unha vez no lugar do accidente, os efectivos sanitarios nada puideron facer por salvar a vida do ciclista.
