Un home faleceu a última hora da tarde de onte en Pontón nun accidente cunha máquina agrícola. O corpo da vítima foi localizado no interior dunha empacadora. Os feitos aconteceron nunha leira propiedade do home, situada no lugar de Castillón. O 112 Galicia tivo constancia dos feitos minutos despois das 20:00 horas de onte.
O persoal do CAE 112 Galicia informou aos Bombeiros de Monforte, que se desprazaron ao lugar dos feitos cun equipo de excarceración. Tamén se alertou a Urxencias Médicas e á Garda Civil. Os Bombeiros tardaron varias horas en lograr liberar o cadáver do home do interior da empacadora.
