Morre un mozo en Ortigueira nun accidente de moto

Un mozo de 17 anos faleceu en Ortigueira despois de que a moto na que viaxaba sufrise unha colisión contra un turismo. O sinistro produciuse na estrada que une Ferrol con Ortigueira, á altura de Espasante. O conductor do vehículo implicado foi asistido no lugar do accidente.

Varias persoas alertaron do sinistro ao 112 Galicia. A primeira delas púxose en contacto coa central de emerxencias ás 19:00 horas de onte.

O persoal do 112 Galicia alertou decontado ao 061-Urxencias Sanitarias, aos Bombeiros do Eume e ao GES de Ortigueira. A situación foi posta en coñecemento da Garda Civil e da Garda Civil de Tráfico. 

Ademais, unha vez confirmado o falecemento do rapaz, dende o 112 Galicia contactouse co Grupo de Intervención Psicolóxica en Catástrofes e Emerxencias (GIPCE).

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com