A Asociación de Veciños e Comerciantes da Residencia levou a cabo unha nova concentración, para seguir a reivindicar a dotación de servizos para este barrio.
No acto estivo presente a alcaldesa de Lugo, Lara Méndez, que en declaracións salientou, “cinco anos despois do peche do Hospital Xeral, o edificio está a derrubarse á espera de que a Xunta decida que facer con el e a pesar das continuas peticións dos veciños e do Concello, os lucenses non vimos ningunha xestión para darlle uso, soamente observamos como medran os buratos neste emblemático edificio ao redor do que naceu e medrou este barrio”.
Asemade, a rexedora lamentou o “ninguneo da Xunta con Lugo, que vai in crescendo a medida que pasa o tempo, a pesar das numerosas visitas que realizan os Conselleiros populares á nosa cidade, para non facer outra cousa máis que para negar, sin ningún descaro, todo o prometido con anterioridade”.
