Victoria do Club Deportivo Lugo fronte ao Real Club Deportivo Mallorca por tres goles a cero. Os lucenses sumaron a súa quinta vitoria consecutiva na casa, e provisionalmente son oitavos con corenta e catro puntos.
Pola súa banda, Ribeira Sacra Breogán saíu derrotado en Palma tras unha mala segunda metade, cun resultado final de 83-70. As malas porcentaxes dende a liña de tres puntos e dende o tiro libre foron un lastre pesado de máis para o equipo celeste, que con esta derrota afástase un pouco máis da opción de ascenso directo.
