Manuel Martínez Núñez, Alcalde de Becerreá, ao abeiro do disposto no Regulamento Orgánico da Deputación Provincial de Lugo, presenta as seguintes alegacións o acordo desta institución aprobado o día 24 de setembro, que dí:

PROPOSTA PARA A APROBACIÓN DO INICIO DO EXPEDIENTE DE ACTIVIDADEECONÓMICA E RÉXIME XURÍDICO DO CENTRO DE ATENCIÓN A PERSOAS MAIORES DE BECERREÁ. 2024/XEN_01/002617

Pablo Rivera Capón, en calidade de deputado delegado da Área de promoción Económica e Social, en relación co asunto de referencia expón:

A Xunta de Goberno da Deputación de Lugo en sesión ordinaria realizada o venres12.04.2024, acordou por unanimidade o impulso da posta en marcha do centro de atención a persoas maiores de Becerreá.

O 13.09.2024 dende Benestar Social e Igualdade emitiuse un informe co CSV IV7UY2SDJROKKSMCYJFR4APRK4x, no cal concluíase que era necesario para a posta en marcha do centro de atención a persoas maiores de Becerreá, entre outros, aprobar a actividadeeconómica e o seu réxime xurídico conforme á Lei 7/1985, do 2 de abril, Reguladora das Bases do Réxime Local; designar a comisión de estudio conforme ao Real Decreto Lexislativo 781/1986, do 18 de abril, polo que se aproba o texto refundido das disposicións legais vixentesen materia de Réxime ; e someter a participación dá cidadanía conforme a Lei 39/2015, do 1 de outubro, do procedemento administrativo común das administración públicas.Tendo en conta o exposto, proponse ao Pleno da Deputación de Lugo dar aprobacióna:

– Designar dunha Comisión de estudio conforme ao Real Decreto Lexislativo 781/1986,do 18 de abril, polo que se aproba o texto refundido das disposicións legais vixentes en materia de Réxime Local, coa seguinte composición:

– Dous deputados/as delegados/as do Goberno da Deputación de Lugo.

– O secretario Xeral da Deputación de Lugo ou persoa na que delegue.

– A interventora da Deputación de Lugo ou persoa na que delegue.

– A xefa do Servizo de Contratación e Fomento ou persoa na que delegue.

– A xefa do Servizo de Recursos Humanos ou persoa na que delegue.

– A xefa de servizo de Benestar Social e Igualdade ou persoa na que delegue.

– Unha traballadora social de Benestar Social e Igualdade.

 

– Acordar o inicio do expediente de aprobación da actividade económica do centro de atención a persoas maiores de Becerreá, conforme a Lei 7/1985, do 2 de abril, Reguladora das Bases do Réxime Local.

– Someter a consulta pública previa, por un prazo de 20 días hábiles, a participación dá cidadanía conforme ao establecido no art. 133 da Lei 39/2015, do 1 de outubro, do procedemento administrativo común das administracións públicas co obxecto de dar audiencia aos cidadáns afectados e recadar cantas achegas adicionais poidan facerse por outras persoas ou entidades.

Este Concello non pode menos que sorprenderse, de que despois de casi tres anos de rematada a Residencia Comarcal de Becerreá, se proceda a constituir unha Comisión de estudio, para a posta en marcha da mesma, o que desde a noso punto de vista é un novo número circense para colocar a rede, probablemente, ante a demanda xudicial interposta por este Concello, aparte de ser unha tomadura de pelo eunha falta de respecto aos veciños/as de Becerreá e a súa comarca.

E tamén nos sorprende, a rapidez da súa constitución, ¿será pola presentación de

máis de 2700 firmas da Plataforma e o seu anuncio de solicitar participar na mesma?. Como poden apreciar non creemos nos seus anuncios, queremos FEITOS:

Porque esto chega despois de todo tipo de desculpas e inacción , despois de case tres anos SIN FACER NADA, NIN A DEPUTACIÓN, NIN O PRESIDENTE, NIN O DEPUTADO DELEGADO, NIN O PSOE, NIN O BNG, que por certo é o que ten a postura máis clara, nunca apoiou a construción desata RESIDENCIA COMARCAL na Montaña, nin lle pareceu ben a firma do Convenio entre a Deputación e o Concello de Becerreá, polo menos son claros, aínda que no programa electoral para as municipais pasadas, levaban en lugar preferente no seu programa: “apertura inmediata da Residencia”, o triste é que acusan aos outros de enganar, e…..

Algo parecido lle ocorre o Grupo Provincial Socialista, que en cada intervención vai cambiando a V. O. (versión orixinal) e non se acordan que a maioría dos Deputados deste grupo, firmaron e apoiaron o Convenio, ao que agora dan largas, iso si culpable do retraso:

1.-Alcalde Becerreá, (non prever no proxecto o centro de transformación – por certo encargado, supervisado e revisado por tres Presidentes e funcionarios Deputación, (nunca se incluíron nos proxectos de residencias e outros feitos nesa entidade, non obstante despois de dous anos contratado aínda non esta en servizo, que por certo en escrito a esa Presidencia, comprometíase a dimitir, si esa fora a causa, tan pronto entrara o primeiro residente-

2.- A pandemia, o Covid, que paralizou os proxectos, da Deputación, pero solo o de Becerreá.

4.-¿Que vai facer Xunta? como non a rematen, nada, porque non pode dar o PIA, MENTRAS NON ESTE TODO O QUE FALTA EN ACTIVO, E SI O DEMORAN SERÁ O MOMENTO DE BOTARLLES EN CARA ESE PRESUNTO RETRASO.

4.- SUPLUSA E O SEU PRESIDENTE, á  sazón tamén alcalde de Becerreá, cando en ningún momento apareceu ou tomou acordo algún SUPLUSA sobre esta Residencia, pero sí os tres últimos presidentes socialistas da Deputación Provincial de Lugo.

A guerra de Ucrania…..,  Que Europa non quere este tipo de Residencias…., en fin, medias verdades, con manipulacións e mentiras.

E a ultima: esta Comisión de estudio e supoñemos que a invasión de Gaza, tamén. E triste ter que escoitar todo isto, cando o que debería de primar en responsables públicos e partidos políticos –BNG/PSOE,- que se din defensores do rural e dos servicios no mesmo, leven tres anos condenando a unha comarca, A Montaña, con unha poboación envellecida e dispersa (que leva desde 1983 demandando e esperando este servizo) a seguir solicitando prazas deresidencia, por todo Galicia.

Vostedes piden a outras administración, reiteradamente: “RESPETO INSTITUCIONAL”. ¿Onde esta ese respecto despois de firmar un Convenio co Concello de Becerreá, que dí que cando unha das partes pida a convocatoria da Comisión de Seguimento , esta reunirase? . Este Concello, pola vía administrativa SOLICITOULLES CINCO VECES NOS TRES ÚLTIMOS ANOS, que esta se reunise, estamos esperando . Non foron capaces de convocala e dar aí as explicacións políticas, si as tiveran, que teñan que dar ,¿falta de argumentos? ¿desidia ou cobardía política?.

Ademais, no pleno dos presupostos celebrado o ano pasado, para aprobar definitivamente o presuposto deste año , 2024, segundo consta na acta a entón Deputada delegada, Dª. Mayra García Bermúdez, da Área de Economía, Recadación, Facenda e Especial de Contas, manifestou o seguinte, e citamos textualmente a nota prensa da Deputación, na que expoñía que:

Parece ser nos remanentes deste ano 2023, teñen unha cantidade e citamos textualmente a nota prensa da Deputación:“ O presuposto saíu adiante, pois, seguindo o informe do servizo de Intervención, desestimáronse as dúas únicas reclamacións presentadas ao mesmo durante o período de exposición pública -unha polo Alcalde de Becerreá e outra pola Plataforma Pro Residencia da localidade-, dado que “xa existe crédito orzamentario para dotar de equipamento e seguir avanzando cara a apertura do centro coa incorporación de remanentes”.

Así o explicou a Deputada de Economía, Recadación,

Facenda e Especial de Contas, Mayra García Bermúdez, quen, aludindo ao informe de Intervención, lembrou que o convenio de colaboración entre a Deputación e o Concello de Becerreá para a construción da residencia contempla a aplicación das baixas das licitacións ao propio centro, e que “os remanentes á data actual ascenden a 1.318.781,98€”. Así mesmo, “existe unha dotación de 300.000€ no Orzamento dispoñible de ser preciso”.

Informe de intervención, por certo, que certifica REMANENTES para este ano, 2024 ,(para que o Grupo de goberno : BNG-PSOE- salga do lodeiro no que esta metido ) sen facer a LIQUIDACIÓN DO PRESUPOSTO, en fin, cousas veredes.

A pesar desta información/afirmación, que demostra a falta de ética e o recurso a mentira do Grupo de Goberno, pois nada se fixo, e seguen pendente desde fai mais de tres anos de rematadas as obras , os tramites que permitirían abrir a Residencia en breve seguen asi:

– A INSTALACIÓN DE SUBMINISTRACIÓN ELÉCTRICA, iniciadas as obras o pasado mes de xullo, sigue sen dar de alta, segundo se indicou no Pleno. e, a estas alturas, non esta instalada a COCIÑA, nin se sabe cal se vai a colocar…. Non iniciaron os trámites para licitar e adxudicar o contrato para a instalación do equipamento do centro Residencial, que se podería haber feito coa suficiente antelación, para o recibir a obra rematada iniciar o amoblamento.

Pasos que consideramos deberían de ser previos – convocando a licitación dos mesmos – a esta Comisión de estudio, contando ademais que segundo o Convenio para a súa construción as baixas da mesma, – aproximadamente un millón € neste momento -deberían de destinarse a estes fines. Por todo elo.

Este Concello presenta as seguintes alegacións, conforme ao establecido no art. 133 da Lei 39/2015, do 1 de outubro, do procedemento administrativo común das administracións públicas co obxecto de dar audiencia aos cidadáns afectados e recadar cantas achegas adicionais poidan facerse por outras persoas ou entidades:

– Convocar a Comisión de Seguimento prevista no Convenio a maior brevidade posible.

-Que o Concello este representado na Comisión de estudio.

-Que a Plataforma veciñal “PRO APERTURA RESIDENCIA COMARCAL DE BECERREÁ” forme parte da mesma.

Que se acouten os prazos de funcionamento da Comisión de estudio, para que non se dilate no tempo.

Becerreá, 7 de outubro 2024

O Alcalde

Manuel Martínez Núñez

ILMO. SR. PRESIDENTE DA DEPUTACIÓN PROVINCIAL DE LUGO.