Nos primeiros vinteoito días de “O Nadal en Begonte”, superáronse amplamente as 20.000 visitas, a pesar de que ata o día de 24 só se abriu ao público sábados, domingos e festivos. Neste momento, e ata o día de Reis ábre todos os días (11 a 13 e 16 a 19), volvendo desde esa festividade ata finais de xaneiro ao calendario inicial.
O promedio de asistentes cada día de apertura supera as mil persoas, tendo xa visitantes formando cola á hora de apertura, e debendo prolongar o funcionamento ata que todos os que veñen a Begonte puideron ser acollidos.
Mesmo os días en que non funcionaba o Belén recibíronse numerosos grupos (algún, superando as 150 persoas, en varios autobuses), sendo a mañá do pasado mércores o momento de maior afluencia, con sete colectivos atendidos.
Certamente, hai que considerar superadas as limitacións da pandemia, as cifras de visitas anteriores, e a evidencia de que estamos nun novo tempo do Belén que comeza, precisamente, coa celebración do cincuentenario da súa fundación.
