O BNG denuncia “parálise” nas obras do muro da avenida da Coruña

O voceiro do BNG visitou a obra inacabada do muro da avenida da Coruña, reuniuse con veciñanza da zona e anunciou que reclamará ao goberno municipal o remate das obras de acondicionamento da beirarrúa. “A día de hoxe o espazo que teñen para transitar as persoas é o mesmo que cando estaba o muro pero con peor pavimento e con máis inseguridade”, explicou Arroxo que engadiu “pasaron 20 anos para que o concello derrubase o tapón urbanístico e parece que van pasar outros tantos para rematar a obra”.

Rubén Arroxo explicou que o goberno municipal contratou a obra de demolición do muro, cun prazo de execución de 2 meses, e por un importe de 24.942,94 €. O BNG preguntará sobre as medidas que o goberno municipal vai tomar para que a empresa execute a obra o antes posible. “Aínda que a empresa ten dous meses para a execución da obra o goberno municipal debería traballar para tratar de acurtar estes prazos, evitar as molestias á veciñanza e rematar dunha vez por todas esta obra, que parace que se vai levar máis tempo que a da Sagrada Familia” afirmou Arroxo.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com